網紅的藏寶箱[長文慎入之終於出新衫］
*** 唔鍾意睇感性撚嘢嘅直接skip去第六段唔該晒打搞晒😝
終於完咗鼓鼓吓，多謝每一位入場支持嘅大朋友小朋友🥰 show後感後補...而家又要立刻進入另外一個身份喇！
經歷過一波十九幾折之後，@the.baddies 終於出新tee喇！其實我呢個小小小小小品牌2014年已經出世😳但係一直都係用一個好小好小好小嘅規模去經營，所以呢兩年我自己開始接觸多咗唔同嘅範疇之後，又確實擺少咗心機喺呢度！
直至某一日我聽到「KB做衫個牌子都冇咩價值㗎喇！」，一句👆🏼就係因為呢一句👆🏼又激發起我個小宇宙！明明都仲係有朋友呀網友呀久唔久都問下我「喂！你仲未有新衫嘅？」，如是者個心肝就係咁樣的起咗！
開始返之後，中間都仲係有數之不盡咁多個波折，過程就唔講喇，總之今個星期，終！於！出！到！喇！（omg 少少眼濕濕...🥲）
我唔係誇張，因為我好想好想今年年中成立嘅 @thebaddies.factory 冚家齊人影輯相，我哋竟然淨係夾到上星期某一日嘅0900-1015 係大家都得閒嘅，然後好衰唔衰落大雨冇鬼咗半粒鐘 😭😭 （但係我唔會覺得個天唔鍾意我嘅！）正喺而家photog姐姐全力趕工中嘅時候，我忍唔住要比少少behind the scene 大家睇住先！多謝五位小朋友晨咁早仆出嚟撐！
咁L長氣都未講到重點，重點就係8月28日今個星期六 d 衫會簡單而隆重咁喺@popcorngeneralstore K11 musea 嘅分店推出喇！我自己會喺現場親自招呼大家（點解呢句嘢由我講出嚟有少少江湖味😅），時間就傍晚5點零咁啦！希望到時見到大家！
今次久別之後出新衫，所以都係小試牛刀，每款每色非常有限，大家多多支持🙏🏻
#thebaddies
Search